სიმდიდრის ფსიქოლოგია

შეცდომები აღზრდისას

   როცა მართვის მოწმობას ან დიპლომს ვიღებთ, გავდივართ ტესტირებას, ვაბარებთ გამოცდას. ბავშვის აღზრდას კი არავითარი მომზადება არ სჭირდება. მშობლები ბავშვზე ზემოქმედებისას იყენებენ ფიზიკურ და მორალურ ზემოქმედებას. თუ მშობელი ბავშვობაში განიცდიდა ძალადობას თავისი მშობლების მიერ, ხშირად თვითონაც მოძალადე ხდება. ის შვილს უნერგავს არასრულფასოვნების გრძნობას. ჩაგრავს მას და აიძულებს, მისი ნების უსიტყვო შემსრულებელი გახადოს. აქ უნდა აღვნიშნოთ, რომ გოგონების ბოლომდე დამორჩილება შეუძლებელია. გოგონას ვერც გენიოსად აქცევ და ვერც მიწასთან გაასწორებ. ისინი საშუალო ხაზს ირჩევენ რაღაცნაირად არ აძლევენ საშუალებას ცხოვრებას, რომ განადგურდნენ. ბიჭები კი ბოლომდე აღზრდაზე არიან დამოკიდებული. თუ ახალგაზრდა კაცი მოგეწონათ, ეს ნიშნავს, რომ იგი ჭკვიანი დედის გაზრდილია. 

    თუ გიყვართ თქვენი შვილი, თუ გსურთ, რომ მან მიაღწიოს წარმატებას, ნუ ლანძღავთ მას, ნუ ამცირებთ და ნუ აყენებთ შეურაცხყოფას.

    ადამიანი, რომელიც სასკოლო ასაკში დარწმუნებულია, რომ ჭკვიანი და კარგია, ის გაცილებით მეტ წარმატებას აღწევს, ვიდრე ის, რომელსაც ყველა: უპირველეს ყოვლისა მშობლები, ხოლო შემდეგ პედაგოგები და ამხანაგები სულელს ეძახიან. 

  როცა დედა დარწმუნებულია თავისი შვილის განსაკუთრებულობაში და  გულწრფელად უხარია მისი წარმატებები, როცა აქებს მას დამსახურებულად, ბავშვი იზრდება ფსიქიკურად ჯანმრთელი და აღწევს წარმატებას.

     ეს არ ნიშნავს, რომ რომ ბავშვი უნდა გავაღმერთოთ და დაუმსახურებლად უნდა ვაქოთ და ვადიდოთ. ეს უკვე მეორე უკიდურესობაა. ადამიანი, რომელიც სამყაროს ცენტრია მხოლოდ იმიტომ, რომ არსებობს.

      ბავშვი იბადება იმისათვის,     რომ მან თავის საკუთარ წარმატებას მიაღწიოს. ნებისმიერი დამოუკიდებელი ნაბიჯი აუცილებელია, რომ შევამჩნიოთ, შევაქოთ, მივცეთ მას განვითარების სტიმული .ეს არის ჩვენი, როგორც მშობლის უპირველესი მოვალეობა. ბავშვმა უნდა იგრძნოს ჩვენი უსაზღვრო სიყვარული, მიუხედავად იმისა, როგორ იქცევა იგი. ამ სიყვარულის მიცემის შემდეგ განვავითაროთ მისი დამოუკიდებლად აზროვნების უნარი, მისი პასუხისმგებლობის გრძნობა და შრომის უნარი.

         ასწავლეთ ბავშვს აზროვნება. გისურვებთ წარმატებას !

   

სიმდიდრის ფსიქოლოგია

ფული - ეს ის სუბსტანციაა, რომელიც ადამიანებს ძალიან ბევრ პრობლემებს უჩენს ან უხსნის. ჩემს ახალგაზრდობაში ფულზე ლაპარაკი უკულტურობად ითვლებოდა. ჩვენ გვასწავლიდნენ, რომ ფული სიმდაბლეა, ადამიანი უნდა იყოს სულიერებით გასხივოსნებული. ფული ხელის ჭუჭყია, ხოლო მაღალგანვითარებული ადამიანი არ უნდა დაწვრილმანდეს ფულის შოვნის სურვილით, მან მაღალ იდეალებს უნდა ემსახუროს უფულოდ და ნახევრად მშიერი. ეს ტენდენცია დღესაც შეინიშნება საქართველოში. მთავარია, უმაღლესი განათლების მიღება. მშობლები წელებზე ფეხებს იდგამენ იმისათვის, რომ მათმა შვილებმა უმაღლესი განათლება მიიღონ, რადგანაც ეს პრესტიჟულია და არ ფიქრობენ, რაში გამოიყენებენ ამ განათლებას, როგორ იშოვიან მისი საშუალებით ფულს. არავინ უხსნის მათ, რომ ფულის უარყოფა არ შეიძლება. ფული გაძლევს იმის საშუალებას, იცხოვრო საკუთარი სიამოვნებისათვის, აკეთო ის საქმე. რომელიც მართლა მოგწონს, დაისვენო მაშინ, როცა შენ ეს გჭირდება. 

ჩვენ ვცხოვრობთ მატერიალურ სამყაროში. მოგვწონს თუ არა, ჩვენ იძულებული ვართ მას გავუწიოთ ანგარიში.

ისევე როგორც ყველაფერს ამქვეყნად, ფულსაც გააჩნია თავისი ცნობიერება, ფულის ენერგია ძალიან ძლიერი და ყოვლისმომცველია. ფული მართავს სამყაროს.

ჩვენ გვაქვს არჩევანი: ან მოვხვდეთ მისი ნაკადის ქვეშ, ან ვიცხოვროთ მისი მფარველობის გარეშე.

ტყუილის ფსიქოლოგია

გავიხსენოთ, რონალდ რეიგანის ცნობილი გამონათქვამი: „არსებობს სამი ტიპის ტყუილი : უბრალოდ ტყუილი, დაწყევლილი ტყუილი და სტატისტიკა!“ ამჯერად სტატისტიკა გვერდით გადავდოთ და ჩვეულებრივ, „უწყინარ“ ტყუილებს მივხედოთ. 

ტყუილის ფსიქოლოგია ძალიან საინტერესო და აქტუალური თემაა. მის შესახებ ჩატარებულა არაერთი გამოკვლევა. შედეგები კი ძალიან საინტერესო და უცნაურია. გავიხსენოთ ცნობილი სერიალი „lie to me“, სადაც გამოძიების პროცესში იყენებენ მიმიკისა თუ ჟესტიკულაციის ცვლილებებზე დაკვირვებას, რათა გამოააშკარავონ მატყუარები. ტყუილის მართლაც აქვს „თავისი მიმიკა.“ აღიარებული ფაქტია, რომ როცა ადამიანი იტყუება, სხეულს ენა ხშირად გასცემს მას. ასეთ დროს იგი იფხანს ცხვირს, აწვალებს ყურებს, ერიდება თვალებში ყურებას, ან იხედება მარცხნივ. თუმცა, არსებობენ „ტყუილის ოსტატებიც.“ 

პათოლოგიური მატყუარები

ამის შესახებ სამხრეთ კალიფორნიის უნივერსიტეტში კვლევა ახლახან ჩატარდა, რომელმაც აჩვენა საოცარი შედეგი. პათოლოგიური მატყუარები ფიზიოლოგიურად განსხვავებული არიან. მათ ტვინში საგრძნობლად მეტი თეთრი ქსოვილი იყო. რაც ნიშნავს, რომ მათ ტვინში მეტი მაკავშირებლები იყო. მკვლევრების აზრით, სწორედ ეს განსხვავება აძლევს პათოლოგიურ მატყუარას საშუალებას დაეუფლოს ტყუილის ხელოვნებას სხვებზე უკეთ. ამავე კვლევის მიხედვით, 10– წუთიანი დიალოგის მანძილზე გამოკითხულთა 60% ერთხელ მაინც ამბობდა ტყუილს. კვლევის მიხედვით, ექსტრავერტები უფრო მეტად იტყუებიან ვიდრე ინტროვერტები. თურმე კაცები არანაკლები მატყუარები არიან ქალებთან შედარებით. აღმოჩნდა, რომ სამსახურში ყველა იტყუება.

რატომ ვცრუობთ?

და მაინც რატომ ვიტყუებით? პასუხი მარტივია: იმიტომ რომ ეს ადვილია. ვირტუალურად ყველა ტყუის, და ბევრი ჩვენგანი ძალიან კარგად ართმევს ამ საქმეს თავს. ადამიანების უმეტესობა ტყუილის თქმას სწავლობს ძალიან პატარა ასაკიდან. დაახლოებით 3 წლიდან ბავშვები იტყუებიან პრობლემების თავიდან ასაცილებლად, ხოლო 5 წლის ასაკში, როდესაც საქმე დგება სასჯელის თავიდან აცილებაზე, მათი უმეტესობა უკვე ექსპერტია ტყუილის თქმაში.
საინტერესოა, რომ ნიუ-იორკის პრესბირეტიანული საავადმყოფოს ფსიქიატრის, გეილ სალცის თქმით, ბავშვებს ასწავლიან სხვების გრძნობების დასაცავად ტყუილის თქმას. მაგალითად ასეთი რეპლიკებით : „უთხარი დეიდა ბეტის, რომ ახალ ჯინსებში ძალიან კარგად გამოიყურება“. ეს ჩვენთვის უფრო ბუნებრივია და დიდ ვარჯიშს არც მოითხოვს. 

რის შესახებ ვიტყუებით?

პატარებისგან განსხვავებით მოზრდილების ტყუილი განსხვავებულ საქმეს ემსახურება. ბევრი მოზრდილი ცდილობს იცრუოს სამგზავრო ბილეთის არქონის, ან სხვა რაიმე უფრო სერიოზული დარღვევის დროს. მასაჩუსეტის უნივერსიტეტის ფსიქოლოგი, რობერტ ფელდმენი ამბობს, რომ ზრდასრულ ადამიანებს სურთ აკონტროლონ, თუ როგორ აღიქვამენ მათ გარშემომყოფები. ადამიანები იტყუებიან, რათა თავი მოაწონონ სხვებს და რა წამს იგრძნობენ, რომ მათი თვითშეფასება საფრთხეშია, მაშინვე იწყებენ ტყუილებს თავიანთი მანქანის, სახლისა და ანაზღაურების შესახებ. 

ვინ არის ტყუილის ყველაზე ხშირი ობიექტი ?

მეცნიერები შეეცადნენ გაერკვიათ ტყუილის ყველაზე ხშირი ობიექტი. რაც უნდა გასაკვირი იყოს, აღმოჩნდა, რომ ადამიანები ყველაზე ხშირად საკუთარ თავს ატყუებენ. მაგალითად: იმ დროის შესახებ , რაც დარჩათ პროექტისა თუ პრეზენტაციის დასრულებისთვის, რამდენი კალორია მიირთვეს დღის განმავლობაში და ასე შემდეგ... როგორც დოსტოევკსი ამბობდა, ადამიანი, რომელიც საკუთარ თავს ატყუებს, საბოლოოდ მის პატივისცემას კარგავსო. ასე რომ, გიყვარდეთ საკუთარი თავი და ნუ მოატყუებთ მას!